Saturday, February 6, 2016

آفس کی عورتیں !

آفس کی عورتیں !

مصنف : گھمنام 


عورت ایسی مخلوق ہے کہ وہ گونگی بھی ہو تو بھی خاموش نہیں بیٹھ سکتی ! کسی نے کہا دنیا کا سب سے بڑا جھوٹ کیا ہے ؟ توایک سیانے نے کہا ایک بند کمرے میں پچاس عورتیں ہیں اور خاموش بیٹھی ہیں ! خیر اگر آپ کے ساتھ آفس میں عورتیں کام کرتی ہیں تو روزانہ آپ کو دلچسب قسم کے تبصرے ،رونا دھونا اور لطیفے لائیو دیکھنے کو ملتے ہیں ! مرد کسی بھی آفس میں ہو وہ صرف دو ہی کام کرتا ہے ، یہاں تو وہ کچھ کام نہیں کرتا ، یا پھر وہ اپنے کام سے کام رکھتا ہوۓ کام کرتا ہے !


بہرحال ہمارے آفس میں کوئی تقریبا دو سو کے قریب سٹاف ہے ، تناسب کے لحظ سے اگر دیکھا جائے تو عورتوں کی تعداد زیادہ ہے ! تناسب زیادہ ہونے کی وجہ سے کوئی نہ کوئی عورت روزانہ روتی نظر آتی ہے ، اس کی وجہ ، کام کا پریشر، ایک دوسرے کے ساتھ نوک ٹوک ،اور خاندانی مسئلے مسائل ، سپروائزر کی طرف سے کام میں نقص نکالنا وغیرہ ہیں ! اور کبھی کبھی میں نے اپنی کو ورکر کو اس لئے بھی روتا دیکھا کہ وہ آج میک اپ کرنا بھول گئی ! خیر میک اپ سے یاد آیا ، میری ایک کوللیگ جیکلن نے مجھ سے پوچھا ، کیا کبھی تمہیں کسی چیز سے ڈر لگا ہے ؟ تو میں نے کہا آج تک تو نہیں لیکن جس دن تم کو میں نے میک اپ کے بنا دیکھ لیا اس وقت ہو سکتا مجھ پر خوف کی کفیت طاری ہو جائے بس اتنا کہنا تھا کہ وہ تین دن مجھ سے ناراض رہی !


بہرحال آفس میں کام کرنے والی عورتوں کی سب سے بڑی خوبی یہ ہے کہ وہ مصروف ہوتے ہوۓ بھی دوسروں کے بارے میں سرگوشیاں کرنا نہیں بھولتی !کان ان کے ہر وقت کھڑے رہتے ہیں کہ کون کس کے بارے میں کیا بات کر رہا ہے اس کی پوری خبر رکھتی ہیں. اور کسی نہ کسی طرح تمام خبریں اپنے سپروائزر تک پہنچا بھی دیتی ہیں. کسی بھی آفس میں خواتین کے دفتر کی میز بڑے ہی سلیقے کے ساتھ سجی ہوتی ہے جیسا کہ ،چار پانچ الگ سائز کے ٹیڈی بیر، رنگین پانی پینے والا کپ ، اور ایک دو مختلف سائز کے شیشے وغیرہ !اور اگر آپ کی سیٹ کے ساتھ ہی خواتین ورکر کی سیٹ ہو تو وہ ہر دو منٹ اور پچاس سیکنڈ کے بعد اپنے بال ضرور سنوار رہی ہوتی ہیں. لنچ ٹائم اور آفس سے چھٹی کرتے وقت دو کام کرنا یہ ہر گز نہیں بھولتی ایک منہ پر میک اپ پاؤڈر لگانا اور دوسرا ہاتھوں پر کریم ! اور میرے آفس میں کام کرنے والی خواتین کو جب بھی فارغ ٹائم ملتا ہے پتا نہیں کیوں باتھروم اور کسی دروازے کے ساتھ جھرمٹ میں گپے ہانکتی ہیں یہ میں آج تک سمجھ نہیں سکا !،یہ فارغ وقت میں گوسیپ سیٹ پر بیٹھ کر بھی ہو سکتی باتھروم کے پاس ہی کیوں ؟ ،


خاتون کوللیگ کی سب سے اچھی خصوصیت یہ بھی ہے کہ اگر آپ نے لنچ نہیں کیا اور بھوک لگے تو کسی بھی خاتون کوللیگ سے بولے کہ مجھے بھوک لگی ہے تو فورا وہ آپ کو اپنے ڈیسک سے چپس، چاکلیٹ ، کینڈی وغیرہ نکال کردے دیتی ہے اگرچہ آپ کا تعلق و رویہ اس کے ساتھ اچھا ہو ! لیکن اس کا ایک نقصان یہ بھی کہ جب کبھی کوئی بھاری بھرکم پیکج ڈلیوری وغیرہ آئے گا تو مدد کے لئے سب سے پہلے آپ ہی کو قربانی کا بکرا بننا پڑہے گا ! نوجوان خاتون کو-سٹاف اور ادھیڑ عمر کی خاتون کو-سٹاف میں فرق یہ ہے کہ نوجوان کو- سٹاف آپ کے بہت سے کام میں مدد بھی کرواتی ہے ،لیکن ادھیڑ عمر خاتون سٹاف آپ کو لیکچر ہی دیتے نظر آئے گی. ہر آفس میں ایک ادھیڑ عمر خاتون ایسی ہوتی جو اماں کے کردار میں ہر وقت پیش پیش ہوتی ہیں ، ایسی کو-سٹاف سے بنا کر رکھیں ورنہ آپ کے ساتھ کچھ بھی ہو سکتا ہے ! لیکن ایک بات یاد رہے نوجوان خاتون کو-ورکر اور ادھیڑ عمر خاتون ورکر کی عمر کا موازنہ ہر گز ان کے سامنے نہ کریں ! کیوں ہر خاتون ہمیشہ لڑکی ہی ہوتی ہے ! خیر اب تک کے لئے اتنا ہی !


اس پوسٹ کو مزاح سے زیادہ سمجھنے والے آنٹے اور آنٹیاں اپنی عقل کا استعمال کر کے پوسٹ کی مزاح کو مجروح نہ کریں ! شکریہ ،

1 comment:

  1. Casino Vegas | MapyRO
    Casino Vegas | Address, Phone Number, 부천 출장안마 Reviews, Reviews, Map 보령 출장마사지 & Directions · Casino 공주 출장마사지 Villeman's 보령 출장안마 Place · Casino Villeman's Place 광명 출장안마 · Casino Villeman's Place.

    ReplyDelete